14 жасқа дейінгі балалар Қазақстан ішінде ұшақпен тегін ұшады

Сондай-ақ 14 жасқа дейінгі балалар Қазақстан ішінде ұшақпен тегін ұшуға мүмкіндік алды. Бұл туралы Спорт және мәдениет министрлігі Туризм индустриясы комитетінің төрағасы Дастан Рысбеков мәлімдеген.

Оның айтуынша, ата-аналарымен бірге ел ішінде саяхаттайтын 14 жасқа дейінгі және 14 жасқа толған балалар ұшақпен тегін қатынай алады. Бұл ретте ата-аналардың біреуі тек 2 баланы ғана тегін алып жүре алады. Шетелдік балаларға мұндай жеңілдік жүрмейді. Бұл тек қазақстандықтарға ғана қатысты екенін мәлімдеді Дастан Рысбеков.

Азамат БЕЙБІТҰЛЫ