Президент Түркия басшысы Режеп Тайып Ердоғанмен телефон арқылы сөйлесті

Президент Қасым-Жомарт Тоқаев Түркия басшысы Режеп Тайып Ердоғанмен телефон арқылы сөйлесті. Екі ел басшылары бірін-бірі Ораза айт мерекесімен құттықтап, қазақ-түрік халықтарына бақ-береке тіледі. Әңгіме барысында COVID-19 індетіне қарсы екі ел үкіметтері қабылдаған нақты шаралар талқыланды. Режеп Ердоған Қазақстанның азаматтарға ауқымды көмек көрсету іс-қимылдарына жоғары баға берді. Қасым-Жомарт Тоқаев бауырлас елдің гуманитарлық көмегіне ризашылық білдірді. Сондай-ақ Түркия Президентін Қазақстанға сапармен келуге шақырды.