Павлодарда жанар-жағармайға су қосып сатқандар ұсталды

Павлодарда жанар-жағармайды қолдан жасап, сатқан топ ұсталды. Олар өндірістік аумақта шағын цех ашып, көлік қозғалтқышындағы ескі майға басқа да мұнай өнімдерін қосып дизель отынын жасаған. Сапасыз өнімді көктемгі егіске үкімет тарапынан арзандатылған бағамен бөлінген жағармай деп ауыл шаруашылығы құрылымдарына өткізіп отырған. Өнімнің көлемін ұлғайту үшін су да қосқан. Күдіктілер 3 тонна 800 литр дизель отының сатып, ақша қылғандарын мойындады.

Болат АМАНБАЕВ