Елордадағы «Астана Опера» театры карантинге жабылды - «Qazaqstan» Ұлттық телеарнасы

Елордадағы «Астана Опера» театры карантинге жабылды

21.05.2020

Өткен бір тәулікте елордада 84 адамнан жұқпалы індет анықталған. Солардың арасында «Астана Опера» театрының қызметкері де бар. Қазір мәдени ошақ карантинге жабылды. 11-мамырдан бастап театр қызметкерлерінің 30 пайызы жұмысқа келген. Қазір олардың барлығы қайта онлайн жүйеге көшіп, үйлеріне оқшауланды. Ғимаратқа санитарлық жұмыстар жүргізіп жатыр. Әрі өнерпаздарды таситын көліктер де залалсыздандырылады. 

Бүгін сондай-ақ, жұмысы жақында жанданған құрылыс нысаны қайта жабылды. Медициналық тексеріс кезінде инженерден коронавирус табылған. Содан кейін тестілеуден өткен 600-ден астам қызметкердің 63 -інен індет анықталған. Әрі жақында мейрамхана, дүкен, кафелердің көбі ашылған. Алайда, сантиарлық талапты сақтамаған олардың 25-і қайта жабылды. 150-і ескерту жасалды. Қазір Елордада 10 ғимарат карантинде. Вирусты жұқтырғандар саны 1400-ден асып кетті.

Сәуле АЛДАМҰРАТ


Хабарламаларға жазылу