«Brent» маркалы мұнайды бағасы арзандап кетті

«Brent» маркалы мұнай бағасы 1999 жылдан бергі ең төменгі деңгейге түсіп, 15 доллардан да арзандап кетті. Бұан әлем қоймаларында энергетикалық шикізаттың мол жиналуы, сұраныстың тым аздығы және коронавирус пандемиясынан бүкіл әлемде экономикалық белсенділіктің төмендеуі себепші. Ал Ресейдің «Юралс» мұнайы екі есеге құнсызданып, өткен тәулікте 7 долларға саудаланды. Америкалық сұрып – WTI-дың нарқы дүйсенбі күні тіпті нөл доллардан да арзандады.  

Дегенмен, бүгін «Рейтер» агенттігі хабарлағандай, «Brent»-тің бағасы 19 доллар 33 центке дейін, ал Техас мұнайы 11 доллар 32 центке дейін қымбаттаған.

Кейбір сарапшылардың ойынша, энергетикалық нарық ірі елдер карантиннен босатылғаннан кейін ғана тұрақталуы мүмкін.

Арыстан РЫСБЕК