Google, SpaceX және АҚШ сенаты Zoom қосымшасын қара тізімге енгізді

Google, SpaceX және АҚШ сенаты қызметкерлеріне қауіпсіздік мәселесіне байланысты Zoom-мен видеоконференция өткізуге тыйым салды. Пандемия кезінде бұл платформаның танымалдылығы артты. Өйткені қазір бәрі қашықтан жұмыс істеуде. Алайда оның осал тұсы бар - қауіпсіздік талаптары сақталмаған. Сондықтан Google мен АҚШ сенаты деректердің жайылып кетуіне жол бермеу үшін осындай шешім қабылдап отыр.

Бұл сервисті қолдануға тыйым салғандардың қатарында NASA, Германия сыртқы істер министрлігі, Тайвань билігі де бар. 

Жалпы, күн сайын Zoom-ды 200 миллион адам пайдаланады. Қызметкерлер жаппай қашықтан жұмыс істеуге көшкен сәтте қосымшаны қолдаланушылар саны үш айда 20 есеге өскен. Қазір компания қауіпсіздікке қатысты олқылықты жою үстінде.

reuters.com