Елімізде 120 медицина қызметкері вирус жұқтырған

06.04.2020

Аймақтардағы ахуалдың қиындап бара жатқанын бас санитар Айжан Есмағамбетова да растады. Әрі республика бойынша аурудың өсімі 10-11 пайыз деңгейінде екенін айтты. Алайда, Қызылорда, Қарағанды, Түркістан, Атырау облыстарында вирус жұтырғандар саны күн санап өршіп, 20-30 пайызға артып барады.

Ал карантин ерте енгізілген Елорда мен Алматыда індет бәсеңдеп келеді. Мәселен, Елордада 27 наурыздан бастап күн сайынғы көрсеткіш 60 жағдайдан 0-ге дейін азайса, Алматыда бір күндік көрсеткіш 15 пен 6 адам аралығында.

Бір алаңдатарлығы вирус жұқтырғандардың 5-тен бірі, яғни 120-і медициналық қызметкер. Олардың 67-і науқастармен тікелей жұмыс істегендер. Қазір 1 дәрігердің жағдайы ауыр. Ал, 9-ы орташа болса, 57 дәрігердің дерті жеңіл. Айта кетейік, бүгінде індетпен күреске 16 мың ақ халатты жұмылдырылған. Қажет болса тағы 10 мың дәрігер резервте тұр. Ал ауруға шалдыққандардың 45-і бала. Олардың 4-і қазір айығып шықты. Ауруханада жатқан науқастардың 85 пайызының жағдайы жақсы. 11 пайызы орташа, ал, 16 науқас ауыр хәлде.

Амангелді СЕЙІТХАН


Хабарламаларға жазылу