Мұнай бағасы өсті - «Qazaqstan» Ұлттық телеарнасы

Мұнай бағасы өсті

03.04.2020
Мұнай бағасы өсті

Мұнай бағасы барреліне 30 доллардан асты.

Келесі аптада ОПЕК+ келіссөздері болатыны анықталғаннан кейін бейсенбі күні Brent маркалы мұнай барреліне 32,05 долларға дейін көтерілді. Әлемдегі коронавирус жағдайына байланысты 6 сәуір күнгі келіссөзді бейнеконференция түрінде өткізу туралы шешім қабылданды.

АҚШ президенті Дональд Трамп мұнайдың әлемдік бағасын тұрақтандыруға көмектесетін Әр-Рияд пен Мәскеу арасындағы жаңа келісім жасалуы мүмкін екенінен үміттендіргеннен кейін Brent бағасы бірден өсіп кетті. Ресей мен Сауд Арабиясы Covid-19 пандемиясына байланысты энерготасымалдаушыларға сұраныс төмендеп кеткеніне қарамастан, нарықтағы үлесін арттыруға тырысып, күреске дайындалып жатқандықтан мұнай бағасы 18 жылдық төменгі көрсеткіш, яғни барреліне 23 долларға төмендеді.

Бейсенбі күні Трамп өзінің ресми Twitter парақшасында Сауд Арабиясының мұрагер ханзадасы Мұхаммед бен Салманмен сөйлесіп, Әр-Рияд пен Мәскеу өндірісті күніне 15 млн баррельге қысқартады деп күткенін жазды. Сол күні Сауд Арабиясы болып жатқан жағдайға байланысты кеңесу үшін ОПЕК+ отырысын өткізуді ұсынды.

inform.kz

Хабарламаларға жазылу