Қызылорда облысында бүгін індет жұқтырғандардың саны 5-тен 18-ге бір-ақ жетті. Олардың үшеуі- бала. Сыр өңірі Covid-19 көрсеткіші бойынша аймақтар арасында ең көбі.
Вирус жұқтырғандардың 5-еуі қалада, 13-і Жаңақорған ауданында тіркелді. Мамандардың пайымынша, індеттің таралуын аймақта алғаш вирус жұқтырған адаммен байланыстырып отыр. Яғни, коронавирус науқаспен тығыз қарым-қатынаста болған ең әуелі медбикеге, оның жақындарына тарап, бір үйден 8 адамнан анықталды.
Бүгін түнгі 00:00-ден бастап Қызылорда қаласы толықтай карантин режиміне көшеді. Шаһарға келетін барлық автожолдар жабылып, теміржол мен әуежай алдағы 14 күнге дейін жұмысын тоқтатады. Қалаға кіріп-шығатын жолдарға мынадай 5 тосқауыл бекеті қойылады. Базарлар, ойын-сауық орталықтар, балабақшалар мен саябақтар жабылады. Тек, азық-түлік дүкендері, дәріханалар күнделікті жұмыс кестесіне сәйкес қызмет көрсетеді. Тұрғындарға бей-берекет жүруге тыйым салынады. Сондай-ақ Жаңақорған кентіне де карантин режимі енгізу үшін қаулы әзірленуде.
Әділек СЕРІКҰЛЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қызылорда қаласы карантин режиміне көшеді&mh_tags=Qazaqstan&mh_page=https://qazaqstan.tv/news/125047/)