Алматыда коронавирус жұқтырған Ресей азаматы анықталды

Алматы қаласында коронавирус жұқтырған Ресей Федерациясының азаматы анықталды. Бұл туралы Денсаулық сақтау министрлігінің ресми өкілі Диас Ахметшәріп айтты.

«Алматы қаласында коронавирус індетін жұқтырған тағы бір адам тіркелді. Ол 1979 жылы туған Ресей Федерациясының азаматы. Ол Алматы қаласына 15 наурызда Мәскеу-Алматы рейсімен ұшып келген. Қазір ол карантинде стационарда жатыр. Денсаулығы жақсы», - деді ресми өкіл.

Қазақстанда коронавирус жұқтырғандар саны 37-ге жетті.