Португалия Президенті коронавирусқа байланысты 2 апта карантинде болады

Португалия президенті Марселу Ребелу де Соуза коронавирустың таралуына байланысты екі апта бойы өз еркімен карантинде болады. Өйткені президент өткен аптада елдің солтүстігінде мектеп оқушыларын қабылдаған. Кейін ол мектептен коронавирус жұқтыру дерегі тіркеліп, оқу орны уақытша жабылған. Алайда вирус жұқтырған бала мен оның сыныптастары президентпен кездеспеген.

Саясаткерден аурудың белгілері анықталған жоқ. Десе де, оның денсаулық жағдайын дәрігерлер қадағалайтын болады. Президент карантинге қарамастан, резиденцияда жұмыс істеуді жалғастырады. 

Бүгінде Португалияда жаңа коронавирусты жұқтырудың 30 дерегі тіркелген.

dw.com