Жаңалықтарды Telegram арнамыздан оқыңыз!Мұнай бағасы арзандап жатқанда Ұлттық банк қаржы нарығындағы тұрақтылықты сақтауға тырысып жатыр. Өйткені теңге қара алтын құнына тәуелді. Сондықтан теңге құлдырап кетпеуі үшін 95 миллион долларға интервенция жасаған. Содан болар теңге бір ай ішінде небары 0,6 пайызға арзандаған. Ал Ресей рублі 4,5, Индонезия рупиі 4,9, ал Мексика, Түркия, Бразилия валютасы 4 пайызға құлдыраған. Қаржы нарығын қатаң бақылауда ұстап отырмыз деген Ұлттық банк төрағасының орынбасары теңге құбылуының алдын алуға дайын екендігін айтты.
Досжан МАРАТҰЛЫ
