Сақтандыру қызметі онлайн жүйеге ауысады

26.09.2017

Жуырда сақтандыру қызметі онлайн түрде рәсімделеді. Яғни, үйде отырып, интернет арқылы сақтандырудың кез келген түрін пайдалана аласыз. Бүгін Үкімет отырысында Ұлттық Банк төрағасы Данияр Ақышев «Сақтандыру қызметі туралы» заңның жаңа жобасын таныстырды. Құжат ақпараттық технологияның жетілген уақытына сай дайындалған. Әлемдік тәжірибе толық ескерілген. Қазір дүние жүзі бойынша сақтандыру полисін онлайн сатып алушылардың үлесі 40 пайызға жеткен. Нәтижесінде дамыған елдер ішкі табысының 7 пайызын осы саладан тауып отыр. Ал, бұл көрсеткіш біздің елде 1 пайызға да жетпейді. Құжат осы айдың соңында Парламент Мәжілісі депутаттарының қарауына жетеді.

 

Ғабит ҰЗАҚБАЙ

Хабарламаларға жазылу