Жаңалықтарды Telegram арнамыздан оқыңыз!Петропавлда Қазақстан Халқы Ассамблеясының 25 жылдығына орай «Достық. Елдік. Бірлік» атты көрме ашылды. Шара «Тұңғыш Президент жолымен» халық экспедициясы» жалпыұлттық жобасы аясында ұйымдастырылған. Жалпы бүгінде теріскейде 100-ден астам этнос өкілі тұрып жатыр. Өңірдегі ассамблея қарамағында 200-ге жуық этномәдени ұйым бар. Көрмеге ассамблеяның тарихынан сыр шертетін суреттер мен 18-19 ғасырдан бері сақталып келе жатқан славян, неміс халықтарының тұрмыстық заттары қойылған. Сонымен қатар,бұл жерден 1930 жылы жарық көрген неміс халқының ұлттық әндер жинағын да кездестіруге болады. Көрме 6 шілдеге дейін жұмыс істейді.
Сағындық СӘБИТҰЛЫ
