Жаңалықтарды Telegram арнамыздан оқыңыз!Оңтүстік Кореяда коронавирустың жаппай таралуына байланысты балабақшалар мен мектептер 9-шы наурызға дейін жұмысын тоқтатты. Бұл туралы Инчхон қаласында тұрып жатқан отандасымыз Құлпынай Байтуова хабарлады. Қазір қауіпті инфекцияға шалдыққандар саны жағынан Корея әлемде екінші орында тұр. Бұған дейін 2300-ден астам корейлік вирус жұқтырып, олардың 13-і қаза тапқан. Ал қазір 30 мыңнан аса адам коронавирусқа шалдықты деген күдікпен тексеріліп жатыр.
Құлпынай Байтуованың айтуынша, Кореядағы Қазақстан азаматтарының ойы екіге жарылған. Кейбірі елге қайтуға қамданып жатса, енді біреулері ондай шешімге келуге асығар емес. Толығырақ жексенбі «Апта» сараптамалық бағдарламасынан сағат 20:00-де көре аласыздар.
Ақерке БЕКТАС
