Жаңалықтарды Telegram арнамыздан оқыңыз!Тұрмысы төмен отбасыларға және мүмкіндігі шектеулі жандарға мемлекет тарапынан әлеуметтік көмек көрсетудің маңызы зор. Сондықтан халықтың өмір сүру сапасын арттырудағы жұмыстарды жалғастыру қажет. Бүгін Нұр-Сұлтан қаласының әкімін қабылдаған Президент Қасым-Жомарт Тоқаев осылай деді. Сондай-ақ, Мемлекет басшысы Алтай Көлгіновке қаланың инженерлік желілерін нығайтып, кәріз жүйелерін жаңарту жөнінде нақты тапсырма берді. Ал қала әкімі Президентке мектептер, ауруханалар мен емханалар, жеңіл атлетика стадионын салу және қазақ драма театрының құрылысы жөнінде баяндады.
Саламат ОМАШ
