Жаңалықтарды Telegram арнамыздан оқыңыз!Айырбастау пунктерінде жарғылық капитал мөлшері 100 миллион теңгеге белгіленді. Бұл туралы Ұлттық банк өкілдері айтты.
Ал ауылдар мен шағын қалаларда орналасқан обьектілер үшін ол 50 миллион теңгеге дейін төмендетілді. Сонымен қатар бұл нормаларды енгізу мерзімі де өзгерді. Талаптар осы жылдың 1-ші қаңтарынан бастап енгізілуі тиіс еді. Дегенмен бұл ережелер республикалық маңызы бар қалаларда орналасқан ұйымдар үшін 1-ші сәуірден бастап, облыстық маңызы бар қалаларда 1-ші шілдеден бастап күшіне енеді. Ал ауылдар мен шағын қалалардағы айырбастау пунктеріне жарғылық капиталды 2021 жылдың 1-ші қаңтарына дейін қамту міндетті.
Нұрхан НҰРЛАНҰЛЫ
