Австралияда мыңдаған түйені ату науқаны басталды

Бұл операция бес күнге созылады. Кейбір мәліметтерге қарағанда осы уақыт ішінде 10 мыңдай өркешті жануар жойылады. 

Үкіметтің бұндай шешім қабылдауына түйелердің су іздеп, елдімекендерге шабуыл жасауы себепші. Олардың әрекетінен балаларға зор қауіп төніп тұр. 

Айта кетсек, «Жасыл құрлық» бірнеше жылдан бері қуаңшылықтан зардап шегіп отыр. Ал, британдық қоныстанушылар Ойсылқара тұқымын бұл мемлекетке ХІХ ғасырда Үндістаннан, Ауғанстаннан, Таяу Шығыстан жеткізген екен. 

Австралияда орман өрті қыркүйектен бері жалғасып жатыр. Соңғы мәліметке қарағанда одан 2 мыңнан астам үй күлге айналып, 27 тұрғын қаза тапты. Сонымен қатар миллиондаған жануар қырылып қалған.

Арыстан РЫСБЕК