Депутаттар маңғыстаулықтармен кездесті

Бір топ Мәжіліс депутаты 10 күн бойы Маңғыстау облысындағы кәсіпорындарды аралап, шалғайдағы ауыл тұрғындарымен кездеспек. Басқосудың бірі Маңғыстау ауданындағы Бекі ауылында өтті. 300-ден астам тұрғыны бар елдімекенде бастауыш мектебі ғана жұмыс істейді. Ал, жоғары сыныптың оқушылары аудан орталығындағы интернатта жатып оқуға мәжбүр. Сондықтан ауыл халқы 9 сыныптық мектеп салып беруді сұрады. Одан бөлек Бекіде ауыз су мәселесі өзекті. Тұрғындарға су таситын көлік жетіспейді. Ал «Ақбұлақ» бағдарламасымен қолға алынған жоба сол күйі аяқсыз қалған.  
Аягөз ОРАЛБАЙҚЫЗЫ