Украиналық ұшақтың қара жәшігі табылды

Әлемнің авиациялық компаниялары Таяу Шығыс елдерінің үстінен өтетін бағыттарын өзгертіп жатыр. Бүгін Малайзия, Сингапур, Австралия ұшақтары Иранды айналып өту туралы шешім қабылдады. 

Айта кетсек, Тегеранның Имам Хомейни халықаралық әуежайы маңында украиналық «Боинг» құлап, 176 адам мерт болды. Құрбандардың 82-сі - ирандықтар, 63-і - канадалықтар, 11-і - украиналықтар, 10-ы - швециялықтар. Сонымен қатар, Ауғанстан, Ұлыбритания, Германия азаматтары да мерт болды. Ұшақтың екі «қара жәшігі» де табылды.

Болжамдарға қарағанда, Тегераннан Киевке аттанған лайнер моторы өртенгендіктен апатқа ұшырады. Дегенмен, трагедияның нақты себебі әзірге белгісіз болып отыр. Тергеу жалғасып жатыр. 

Арыстан РЫСБЕК