Жаңалықтарды Telegram арнамыздан оқыңыз!Қазақстанның еңбек сіңірген әртісі Қапаш Құлышеваның сахнада өнер көрсеткеніне биыл 50 жыл. Осыған орай әнші елордалық көреременге «Көкшенің кербез сұлуы» атты шығармашылық кешін тарту етті. Саналы ғұмырын дәстүрлі өнерді дәріптеуге арнаған күміс көмей әншінің еңбек жолы «Гүлдер ансамблінен» басталған еді. Небәрі 16 жасында Арқадан Алматыға аттанып, асқақ арманы жолында аянбай еңбек етеді. Қаршадайынан халық әнін сүйіп тыңдаған өнер иесінің «Тау ішінде», «Замандас», «Ақерке» сынды бірқатар әндері кеңінен танымал. Бүгінде Қапаш Құлышева өнерін өрендерге үйретіп жүрген асыл ұстаз.
