Жаңалықтарды Telegram арнамыздан оқыңыз!Мүмкіндігі шектеулі балалардың ата-аналары енді оларды дәрігерлік тексеруден өткізу, оқыту, оңалту секілді қызметтер үшін бір ғана өтінім береді. Осы уақытқа дейін 6 қызметке 6 бума құжат әзірленетін. Енді ілеспе қызметтер кешенді түрде ұсынылады. Бұл жаңа жүйе халыққа қызмет көрсету орталықтарында сынақтан өтті. Мемлекеттік қызметтің 55 түрі біріктіріліп, 21 композиттік қызмет енгізілмек. Сондай-ақ, мемлекет азаматтың өтінім беруін күтпей-ақ кей қызметтерді өзі ұсынады. Мысалы, өмірге бала келгенде оның туғанын есепке алу, жәрдемақы тағайындау, тұрғылықты мекен жайына тіркеу және балабақша кезегіне қою бір мезетте жүзеге асырылады.
Акерке БЕРІКБЕКҚЫЗЫ
