Жаңалықтарды Telegram арнамыздан оқыңыз!Көпбалалы отбасыларға 2020 жылдың 1 қаңтарынан бастап берілетін жәрдемақыға құжат қабылдау басталды. Аталған әлеуметтік көмекті Түркістан өңірінен 90 мыңнан астам отбасы алады. Енді олар желтоқсанның 9-на дейін Халыққа қызмет көрсету орталықтарына барып, тиісті құжаттарын өткізуі керек. Жаңадан тағайындалған жәрдемақының басты ерекшелігі оны алуы үшін отбасының табысы есептелмейді. Тек кәмелетке толмаған 4 немесе одан да көп баласы болу керек. Сондай-ақ, жасы 23-ке толмаған студенті бар отбасыларға да тағайындалады. Саралап айтсақ, 4 баласы барларға — 42 496 теңге, 5 балаға 53 127, 6 балаға 63 757,7 немесе одан көп баласы барларға 73 387 теңге ай сайын беріледі.
