Ақтөбеден табылған «Алтын адам» сармат тайпасының көсемі болуы мүмкін

Ақтөбеден табылған «Алтын адам» осыған дейін қазып алынған жәдігерлердің ішіндегі ең құндысы болуы мүмкін. Өйткені бас киімінің өзі темірден жасалып, алтын жалатылған. 

Археологтар соңғы жәдігерді Темір ауданына қарасты Тасқопа деген жерден тапты. Шамамен 2500 жыл бұрынғы сармат дәуіріне жатады. Жерленген адам патша болуы мүмкін. Өйткені сауыт-сайманымен қоса, барлық киімі алтыннан құйылған. Тіпті қоса жерленген атының әбзелдері де алтынмен безендіріліпті. 

Зерттеушілер бұған дейін қорым талай рет тоналса да, сақталып қалған бұйымдардың өзі өте құнды екенін айтады. Топырағымен қоса қазып алынған «Алтын адам» музей қоймасында сақтаулы тұр. 

Жақсыбек Кемал