Жітіқара қаласында мұз үстінде ойнап жүрген 2 бала суға құлап, қайтыс болды

Мұз ойылып, үш бала суға батты. Оқиға Қостанай облысының Жітіқара қаласында болған. 5, 6 және 8 жастағы үш бала шағын шаһардың қақ ортасындағы көлшіктегі жұқа қатқан мұздың үстіне шыққан. Көлшіктің диаметрі - 100 метр, тереңдігі 1,5 метр. Жан-жағында биіктігі 50 сантиметрлік қана қоршау болыпты. Яғни, қауіпсіздік тиісті деңгейде сақталмаған. 

Жұқа мұз ойылып, балалардың суға бата бастағанын кездейсоқ адамдар көріп, көмек шақырыпты. Жедел жеткен полиция қызметкерлері үш баланы да жағаға алып шықты. Өкінішке қарай, олардың бәрінің бірдей өмірін сақтап қалу мүмкін болмады. 

Дәуренбек Әбдібек