Иранда жер сілкінісінен 4 адам қаза тапты

Бүгін таңертең Иранның солтүстік-батысында жер сілкініп, кемінде 4 адам қаза тапты. Ал жараланғандар саны 70-ке жеткен. 

АҚШ-тың Геологиялық бақылау агенттігінің мәліметінше, қуаты 5,8 баллдық зілзала ошағы Ардабил қаласынан оңтүстік-батысқа қарай 83 шақырым жерде анықталды. 

Жергілікті ақпарат құралдарының хабарлауынша, дүмпу басталғанда қатты үрейленген халық түн ортасында үйлерін тастап жаппай далаға қашқан. Ал Еуропа-Жерорта теңізі сейсмологиялық орталығының дерегінше, жердің тербелгенін 20 миллиондай адам сезінді.

 Арыстан Рысбек