Грекия полициясы жүк көлігіне жасырынған мигранттарды тұтқындады

Грекия полициясы тоңазытқышты жүк көлігіне жасырынған 41 мигрантты тұтқындады. Олардың көбі – ауғанстандықтар. Шетелдіктердің ешқайсысы жараланбаса да, кейбіреулері ауруханаға жеткізуді сұраған. 

Оқиғаға байланысты машинаның жүргізушісі тұтқындалып, мигранттар полиция бөлімшесіне жеткізілді. 

Қазір бұл мемлекетке Африка мен Таяу Шығыстан босқындар қайтадан көптеп бара бастады. Сондықтан жергілікті лагерлер адамға лық толы. 

Айта кетсек, өткен айда Лондон маңында осындай көліктен 39 адамның мәйіті табылды.

Арыстан Рысбек