Жаңалықтарды Telegram арнамыздан оқыңыз!Ерлікке тағзым. Атырауда Халық Қаһарманы, қазақтан шыққан тұңғыш ұшқыш әйел Хиуаз Доспановаға ескерткіш орнатылды. Биіктігі 5,5 метрлік туындының авторы - Қазақ Ұлттық өнер университетінің профессоры, ҚР Мәдениет қайраткері Бақытбек Мұхаметжанов.
Қоладан құйылған қанатты қыздың еңселі ескерткіші мәрмар тасты тұғырға орнатылған. Халықаралық әуежай алдында қасқайып тұрған мүсін - ерлік пен даңқтың нышаны. Майдандағы ерлігі көпке үлгі болған даңқты жауынгер ІІ Дүниежүзілік соғыс кезінде 300-ден астам әуе шайқасына қатысыпты.
Тарғын Доспанов, Х.Доспанованың інісі:
Соғыстың қаталдығынан ба, әлде, әскер тәртібі ме, негізі тез шапшаң кісі болды. Өткір сөйлейтін кісі еді.
Нұрлан Ноғаев, облыс әкімі:
Қажет кезде ерлермен бірге сапқа тұрған аналарымыз бен апаларымыз жетерлік.
Жандос Темірғали
