«Таңшолпан». Тілі шықпаған сәбидің не сұрайтынын қалай білуге болады? (ВИДЕО)

Анасының қасында болса бала неге жиі жылайды? Бала неге жатырқайды?

Қандай-да бір қажеттілік туындағанда сәбидің қолданатын тілі – жылау. Яғни, өз мазасыздығын жылап білдіреді. Ал, кейбір отбасыларда сәби өзгенің қасында өзін жақсы ұстағанымен анасымен қалса еркелеп, көп жылап, адамның есін шығарады. Оған қатал болсаң да, еркелетсең де осылай ұстайды. Себебі бала жақсы көретін адамның қасында еркелігін көрсетеді.  

Баланың көңіл-күйі өзгеріп, төзімсіз қылық көрсете бастаса, ең бірінші ана өзін кінәлі санайды. Мұндай жағдайда кейде қасында отқа май құятыны бар.

Керісінше, кейбір балалар анасы қасынан сәл алшақтаса іздеп, жылайды. Мамандардың айтуынша, сәби екі үш айынан бастап, анасы қасында жоғын сезіп, жылай бастайды екен.