7 жастағы Шырын Бегалықызы: Әкем «өзің жүр» дейді, бірақ, мен талпына да алмаймын (ВИДЕО)

Кез келген баланың білім алуға құқығы бар. Баланың өнерге ұмтылуына да ештеңе кедергі бола алмайды. Тіпті жан ауыртқан, төсек тартқызған сырқат та. Қол байлайтыны тек тұрмыстың таршылығы, жанашырлықтың жоқтығы, арманға жетер жолдың анық көрінбеуі. Ондай жанға қарекет жолын көрсетуге біз дайынбыз.

7 жасар Шырын Бегалықызы сырқатына бола үйде білім алып жатыр. Бірақ, бар арманы – мектепте білім алу. Оған не кедергі? Арманын қалай жүзеге асыруға болады?

«1-сыныпта апайымның үйіне барып оқыдым. 2-сыныптан бастап үйде сабақ аламын. Достарым мектепте білім алып жүр. Менімен ешкім ойнамайды, бәрі кемсітеді. Арманым – мектепке бару. Әкем «өзің жүр» дейді, бірақ, мен талпына алмаймын. Дәрігерлер аяғымды жазып берсе болды», - дейді Шырын.