Италия халқы қартайып барады

Италия халқының саны азайып, оның үстіне қартайып барады. Ресми мәлімет бойынша, 2015 жылы 60 млн 700 мың тұрғын есепке алынған. Бұл алдыңғы жылмен салыстырғанда 139 мың адамға кем. Бұдан басқа, елде бала туу көрсеткіші де едәуір азайған. Есесіне, жастарға қарағанда қарттардың үлесі басым. Осылайша, Италия Жапония мен Германияны қосқанда әлемдегі ең жылдам қартайып бара жатқан ұлттардың қатарына кірді. Сонымен бірге, 2003-2014 жылдар аралығында зейнеткерлер саны 4 есеге артқан. Мамандар Италиядағы қазіргі әлеуметтік қорғау үдерісі Еуропадағы ең тиімсіз жүйелердің бірі деп отыр.