Оңтүстікқазақстандық кәсіпкерлер Біріккен Араб Әмірлігіне ет экспорттай бастады

Қазірдің өзінде Шымкент халықаралық әуежайынан мыңға жуық уақ мал Фуджейра қаласына жеткізілді.

Айта кетейік, екі ел арасындағы келіссөздер 5 айға созылған еді. Келісім сәтті аяқталып, алғашқы қадамды «Қайып ата» компаниясы жасады.

Енді тамыз айына дейін жергілікті кәсіпкерлер Біріккен Араб Әмірлігіне 60 мың қой жеткізулері керек.

Дәл осындай келіссөздер Сауд Арабиясы, Иран және Ирак мемлекеттерімен де жүргізілуде.

Эльмира ТҰРЛЫБЕК