Пайдалы әрі дәмді сусындар (ФОТО)

Жаңалықтарды Telegram арнамыздан оқыңыз!

1. Алма мен даршын (корица)

Алманы жұқа етіп турап алып, 500 мл таза суға салып араластыру қажет. Одан кейін қоспаға 1 шәй қасық ұнтақталған даршын қосу керек. Сусынды салқындатып, күні бойы ішкен жөн.

ФОТО: postila.ru

Алма мен даршыннан әзірленген коктейль зат алмасуды реттеп, ас қорыту жолын тазартады.

2. Лимон шырыны мен бал

2 шәй қасық лимон шырынын 200 мл жылы суға құйып, жақсылап араластырып, 1 шәй қасық табиғи бал мен бір шөкім ұнтақталған зімбір қосу керек.

ФОТО: postila.ru

Сусынды ашқарынға ішіп, таңғы асты жарты сағаттан кейін жеуге болады. Қоспа ас қорыту жүйесін тазартады.

3. Зімбір сусыны

Зімбір тамырын (3-4 см) тазартып, ұсақтап турау керек.

Тазартылған зімбірді 1 литр ыстық суға салып, 10 минут баяу отта қайнатып, сүзгіден өткізген жөн. Қоспа суыған соң, бір шөкім ұнтақталған даршын, бірнеше ас қасық итмұрын шырынын қосуға болады.

ФОТО: imbirek.ru

Күні бойы 100-150 мл қоспаны тамақтануға 30 минут қалғанда ішу керек. Мұндай сусын ас қорыту жүйесін қалпына келтіріп, зат алмасу процесін жақсартады. Сондай-ақ, сергітетін және әлдендіретін қасиеті де бар.

4. Қызылша шырыны

1 қызылша, 2 алма және 4 сабақ балдыркөктен шырын әзірлеп, 1 ас қасықтан күніне екі рет (таңертең және кешке) тамақтануға жарты сағат қалғанда ішу керек.

ФОТО: www.golovnie-boli.ru

5. Денсаулық сусыны

1 апельсин, 1 лимон және 1 сәбізден шырын әзірлеп, қоспаға 100 мл минералды су қосуға болады. Тамақтанудан 30 минут бұрын ашқарынға тұтынған жөн. Мұндай коктейль шаршағанды басады және құрамында антиоксиданттар өте көп болады.