Финляндияның жоғары технологиялы компаниялары ЭКСПО-2017 көрмесіне қызығушылық танытып отыр - «Qazaqstan» Ұлттық телеарнасы

Финляндияның жоғары технологиялы компаниялары ЭКСПО-2017 көрмесіне қызығушылық танытып отыр

08.10.2015
Финляндияның жоғары технологиялы компаниялары ЭКСПО-2017 көрмесіне қызығушылық танытып отыр

Бұл жөнінде Финляндия Республикасының Сыртқы сауда және даму министрі Ленита Тойвакка «Астана ЭКСПО-2017» ҰК» АҚ Басқарма төрағасы Ахметжан Есімовпен кездесуінде айтты.  

Кездесу барысында Ахметжан Есімов жоба жайлы, көрме кешенінің құрылысы жөнінде және халықаралық көрменің мақсат-міндеттері туралы айтып берді.

Сондай-ақ, ол бүгінгі таңда 48 мемлекет пен 10 халықаралық ұйымның ЭКСПО-2017 қатысатындығын, әрі көрменің әлемдік деңгейде ерекше қызығушылық тудырып отырғандығын жеткізді.

«Астана ЭКСПО-2017» халықаралық мамандандырылған көрмесіне қатысатынын биылдың соңы немесе келесі жылдың басында   мемлекетіміз ресми түрде растайтын болады», - деді министр Л.Тойвакка.

Кездесу соңында қонақтарға Халықаралық ЭКСПО-2017 көрмесінің жобасы таныстырылды.

Хабарламаларға жазылу