Жаңалықтарды Telegram арнамыздан оқыңыз!
«Associated Press» «Global News Internship» бағдарламасы бойынша журналистиканы үйренгісі келетіндерді 12 апталық ақылы тәжірибеден өтуге шақырады.
Бағдарлама бойынша АҚШ-тың 8 қаласында тәжірибеден өтуге болады. Олар: Чикаго, Майами, Лос-Анджелес, Нью-Йорк, Филадельфия, Финикс, Роли және Вашингтон. Ал, әлем бойынша 10 қала - Бангкок, Берлин, Лондон, Йоханнесбург, Мехико, Нью-Дели, Париж, Рио-де-Жанейро, Сеул және Токио ұсынылған.
Тәжірибеден өтушілер мәтін түрінде және фото-видеорепортаждар әзірлейді. Олардың міндетіне сұхбат алу, әлеуметтік медиаға мониторинг жасау, шұғыл ақпаратты телефон арқылы беру немесе оқиға орнынан ақпарат тарату кіреді. Сондай-ақ, бизнес, спорт және қоршаған орта туралы материал жазу сияқты тапсырмалар беріледі.
Үміткерлер өмірбаян, түйіндеме және жолдама хатымен қоса 5 жұмысы мен 2 ұсыныс хат жіберуі керек. Өтініштер 12-қаңтарға дейін қабылданады.
ijnet.org
