Жаңалықтарды Telegram арнамыздан оқыңыз!«Қазақстан» РТРК» АҚ 2013/2014 телевизиялық маусымының жыл үздіктерін анықтады. «Балаларға арналған үздік бағдарлама» - «Балапан» телеарнасының «Балапан және оның достары» анимациялық бағдарламасы деп танылды. Бағдарламаны өндіруші «ЫРЫСЫ АҚ ҚАЗАҚСТАН» ЖШС директоры Ескендір Рысақов арнайы дипломмен марапатталды.
«Балапан және оның достары» анимациялық бағдарламасы - ең кішкентай көрермендерге арналған. Бағдарлама балалардың ана тілін үйренуіне, дүниетанымын кеңейтуге ықпал етеді.
Бағдарлама кейіпкерлері - балапан, құлыншақ, ботақан, қошақан, бұзауқан және ұлу жақсы дағдыларды, қарым-қатынас жасауды үйретеді. Сондай-ақ, айналамен таныстырады.
