Жаңалықтарды Telegram арнамыздан оқыңыз!Қазақтың тұңғыш кәсіби биші қызы - Шара Жиенқұловаға би құдіреті бала кезден дарыған, Сондықтан, әкесі Баймолда қызының бойынан алғырлықпен қатар өнер ұшқынын байқап, арнайы қытай бишісін жалдап, баласына би өнерінің алғашқы нышандарын үйретеді.
Алатаудың баурайындағы қырғыз-қазақ жеріндегі Көкайрық деген жайлауда болған той-томалақтың бірінде орта бойлы ер адамның би билеуі Шараны қатты қызықтырады. Осыдан кейін Шара домбыра, сырнай тартылса билей жөнелетін. Ондайда ағайын-тума «Баймолданың қызы биші болайын деп тұр» деп таңдай қағысатын.
Оның орындауындағы қазақтың күлдіргі әндеріне құрылған «Молдабай», «Жариям-айдай», «Бүркітші», «Сауыншы жеңгей», «Шахтер» тағы басқа би үлгілері теңдессіз қайталанбас дүниелер еді.
Әлем халықтарынан: үндінің, өзбектің, испанның, сығанның, әзербайжанның, грузиннің, жапонның, корейдің, монғолдың билерін орындады. Әр ұлттық тілін ғана үйренбей, костюм кию мәнерін, жүрісін, дауыс ырғағын да келістіре салды.
Бүгін 14.00-де Ұлттық арнадан «Ұлт мақтанышы» деректі фильмін көріңіз. Хабар бүгінгі бөлімін Шара Жиенқұловаға арнайды.
