Оқушылар сарайында «Жас құтқарушылар» үйірмесі ашылды

Астана қаласының Оқушылар сарайында «Жас құтқарушылар» үйірмесі ашылды. Бұл туралы Астана қалалық ТЖД баспасөз қызметі хабарлады.

Оқушылар құтқарушылардың техникасы мен құрал-жабдықтарын қызығушылықпен қарап, танысты.

Балалардың «Жас құтқарушы» оқу сыныбынан өрт қауіпсіздігі ережелерімен танысуға мүмкіндіктері бар.

«Бұл үйірме өскелең ұрпақ үшін маңызды, ол келешек мамандықты таңдауға көмектеседі, төтенше жағдай орын алған сәтте қажетті әрекеттерді қолдануға және өзін ғана емес, қоршаған адамдарды да құтқаруға көмектесуге үйретеді», - деді Астана қаласы ТЖД бастығы генерал-майор М.Қ.Ысқақов.