Жаңалықтарды Telegram арнамыздан оқыңыз!Алматыда қала күніне орай 29 тамыз бен 30 қыркүйек аралығында туристерге арналған «Алматы Сити Тур» бағдарламасы жүзеге асырылады. Бұл туралы Алматы қаласының Мәдениет басқармасы жетекшісінің орынбасары Маркен Ахметов мәлімдеді, деп хабарлайды ҚазАқпарт.
«Қазір әлемде оқиғалық туризм ерекше дамуда. Алматы қаласының әкімдігі бұл идеяны қызу қолдап отыр. Басты мақсат - халықаралық форматта кең ауқымды қалалық іс-шараларды өткізу арқылы, Алматыға келетін туристер легін арттыру. Туристер іс-шаралар аясында қаланың тарихымен, көрікті жерлерімен таныса алады» - деді Маркен Ахметов.
Алматы қаласында соңғы жеті ай ішінде қалалық Мәдениет басқармасының қолдауымен мәдениет саласы қызметкерлерінің, олардың ішінде әсіресе мұражай, кітапхана қызметкерлерінің біліктілігін арттыру мақсатында 15-ке жуық ірі шаралар, дөңгелек үстелдер, семинарлар, тренингтер өткізілген. Ондағы мақсат - келушілерге жоғары дәрежеде сапалы қызмет көрсету.
