![Астана маңындағы жолдар ақылы жүйеге көшпек](https://cdn.qazaqstan.tv/old/articles/3/article_38739.jpg?w=928&h=522&format=jpg&resize=aspectfill&g=center)
Елордадан өтетін республикалық маңызы бар жолдардың барлығы 2017 жылдан кейін ақылы жүйеге көшпек. Бұл туралы Көлік және коммуникация министрлігінің баспасөз қызметі хабарлады.
2017 жылы «Астана-Теміртау» бағытындағы жол, 2018 жылы «Астана-Павлодар» бағытындағы жол ақылы жүйеге көшеді.
Қазіргі таңда елімізде ең алғашқы ақылы автобан «Астана-Щучье» жолынан түскен табыс 800 миллионнан астам теңгені құрап отыр. Бұл көрсеткішті 1,2 миллиард теңгеге жеткізу жоспарланған.
Сондай-ақ, министрліктің мәліметінше, 2015 жылы «Астана-Атбасар» жолында жүк көліктері ақылы қатынайтын болады. Аталмыш бағыттағы жол арқылы алғашқы жылы 900 миллион теңге пайда табу көзделген.
2017 жылдан кейін елорда маңындағы жолдар бойынша жолаушылар тек «Астана-Қорғалжын», «Астана-Киевка» бағытында тегін жүретін болады.
kapital.kz
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Астана маңындағы жолдар ақылы жүйеге көшпек&mh_tags=Qazaqstan&mh_page=https://qazaqstan.tv/index.php/news/88425/)