Жаңалықтарды Telegram арнамыздан оқыңыз!Түркия қазақтарының кіші құрылтайы басталды. Айтулы шарада қазақтың һас батыры Ер Жәнібек Бердәулетұлының 300 жылдығына арналған футболдан ашық турнир өтті.
Оған Стамбул, Конья, Нигде және Салихли қалаларынан 8 команда қатысқан.
Шараны өткізген Қазақ мәдениеті қоры спорттық жарыс арқылы Түркиядағы қазақ жастарының өзара жақын танысып, тату-тәтті араласуын мақсат етіп отыр.
Тарихи сананы жаңғырту үшін жыл сайын өтетін бұл дәстүрлі додаға Алаш арыстары мен қоғам қайраткерлерінің есімін беру туралы шешім қабылданды, деп хабарлайды muslim.kz.
Кіші құрылтай аясында «Түркия қазақтарының өткені, бүгіні мен ертеңі және атамекенмен байланысы» тақырыбында конференция өткізіледі, деп жоспарлануда.
