Жаңалықтарды Telegram арнамыздан оқыңыз!|
23-24 сәуірде Париж қаласындағы Халықаралық көрмелер бюросы (ХКБ) Атқарушы комитетінің отырысында қазақстандық делегация ҚР Сыртқы істер министрінің бірінші орынбасары – «EXPO-2017» Халықаралық мамандандырылған көрме комиссары Рәпіл Жошыбаев басшылығымен «EXPO-2017» Тіркеу құжаттамасы сәтті қорғалған болатын.
Енді, үстіміздегі жылдың 11 маусымында Сыртқы істер министрі Ерлан Ыдырысов бастаған делегация Париж қаласындағы Халықаралық көрмелер бюросы (ХКБ) Бас Ассамблеясының 115-і сессиясына қатысады.
Салтанатты шарада Қазақстанға Халықаралық көрмелер бюросының байрағы табыс етіліп, «EXPO-2017» көрмесінің ресми мойындалу рәсімі болады.
ХКБ туын алғаннан кейін халықаралық қатысушыларды тарту және «EXPO-2017» көрмесін таяу және қиыр шетелдерде насихаттау бойынша белсенді жұмыс басталмақ.
Айта кетейік, «EXPO-2017» көрмесі «Болашақ энергиясы» ұранымен 2017 жылдың 10 маусымынан қыркүйек айының 10 жұлдызына дейін Астана қаласында өтеді.
|
