Жаңалықтарды Telegram арнамыздан оқыңыз!|
«Астана EXPO-2017» ҰК» АҚ «EXPO-2017» халықаралық мамандандырылған көрмесінің үздік нышанының (маскоты) дизайнына байқау басталды. Бұл туралы «Астана EXPO-2017» Ұлттық компаниясының баспасөз қызметі хабарлайды.
«Көрме нышаны алдағы іс-шараның тақырыбын және еліміздің мәдениетінің ерекшеліктерін барынша таныта алатын жанды немесе жансыз кейіпкер (фр. mascotte - «табыс әкелетін адамның, жануардың бейнесі немесе нысан») болуы мүмкін», делінген хабарламада.
Жұмыстар бір ай ішінде, 2014 жылғы 20 мамырдан бастап 20 маусымға дейін (байқаудың электронды поштасы - mascot@expo2017astana.kz) қабылданады. Барлық жұмыстың ішінен сарапшылар 7 үздік дизайн жобаларды таңдайды. Финалға шыққандардың жұмысы жеңімпазды анықтау үшін бүкілхалықтық дауыс беруге шығарылады. Дауыс беру - арнайы сайтта және оның ұялы телефондағы нұсқасында жүргізіледі. Байқауға аудитория назарын аудару үшін жарнамалық компания іске қосылады. Байқаудың жеңімпазы «Астана EXPO-2017» ҰК» АҚ-мен маскоттың брендбугын әзірлеуге келісімшарт жасайды. Қатысу шарттары байқау туралы ережеде көрсетілген. Ереже ұлттық компанияның сайтында жарияланған. Байқау бойынша толық мәліметті mascot@expo2017astana.kz. электронды поштасына хабарласу арқылы алуға болады.
|
