Жаңалықтарды Telegram арнамыздан оқыңыз!Ыбырай Алтынсарин 1864 жылы 8-қаңтарда Торғай мектебін ашқан. Мектеп табалдырығын алғаш 14 қазақ баласы аттаған.
«Осы жылы қаңтардың 8-і күні көптен күткен ісім орнына келіп, мектеп ашылды. Бәрі де жақсы, есті балалар. Мен балаларды оқытуға «қойға шапқан аш қасқырдай» қызу кірістім», – деп жазады Ы. Алтынсарин белгілі шығыстанушы, профессор Н.И.Ильминскийге жолдаған хатында.
«Қазақтар мені құшағын жая қарсы алды. Мектепке балаларын беруге ынталы адамдар толып жатыр», – дейді ол тағы бір хатында.
Ыбырай Алтынсарин – балалар әдебиетінің атасы, қазақтың аса көрнекті ағартушы-педагогы, жазушы, этнограф, фольклоршы, қоғам қайраткері.
