Жаңалықтарды Telegram арнамыздан оқыңыз!«Рухани жаңғыру» идеясы – «Алаш» қайраткерлері мұратының заңды жалғасы». Астанада бас қосқан ғалымдар осылай деді. Алаш арыстары қазақтың ұлттық салт-санасын, мәдениетін жаңғыртуды көздеді. Ал, қазіргі рухани бастамалар - сол игі дәстүрдің үзілмегендігін, сабақтастығын көрсетеді. ХХ ғасырдың басында ұлт зиялылары қазақтың жазу емлесі мен әдеби тілі, мектебі мен оқулығын, баспасөзін, жалпы, қазақ мәдениетінің іргетасын қалап кетті. Ендігі міндет – сол рухани тінді үзіп алмай, кейінгіге үлгі ету.
Сұлтанхан Аққұлы, «Алаш» мәдениет және рухани даму институтының директоры:
- «Рухани жаңғырудың» ең басты мақсаты – қазақтың төл мәдениетін, төл руханиятын байыту. Оны әркім өзінен бастасын. Өзінің аты-жөнін жөндесін. Қазақтың аты-жөні ов, -ев дегенмен айтылмайды. Ал, латын әліпбиінің ең басты мақсаты - қазақтың төл руханиятына жат сөздерден құтылу. Паразит сөздерден құтылу. Қазақтың төл тілін қайта жаңғырту.
Ардақ МҰРАТҚЫЗЫ
