Жаңалықтарды Telegram арнамыздан оқыңыз!АҚШ-тың Техас штатындағы Остин қаласының оңтүстік-батысында жарылыс болды. Соның салдарынан жастары шамамен 20-дағы екі адам жарақат алған. Олар жақын маңдағы ауруханаға жеткізілді.
Қазір оқиға орнында полицейлер жұмыс істеп жатыр. Тәртіп сақшылары жарылғыш зат іске қосылған аумақты жауып тастаған.
Наурыздың 12-де Остинде екі бомба жарылып, бір адам қаза тапқан-ды. Тағы біреуі зардап шекті. Ал, одан 10 күн бұрын мұнда дәл осындай оқиғадан 39 жастағы ер адам опат болған.
Құқық қорғаушылардың пікірінше, бұл жарылыстар бір-бірімен байланысты. Бірақ, оларды кім және неліктен ұйымдастырғаны әзірге белгісіз.
Мадина РАХЫМБЕК
