Жаңалықтарды Telegram арнамыздан оқыңыз!Үндістанның Хайдарабад қаласында темір жолда селфи жасамақ болған бір жігітті пойыз қағып кетті. Қатты жылдамдықпен келе жатқан пойыз алдында тұрып видео жазған әуесқой басынан жарақат алып, ауруханаға жеткізілді. Шива есімді ер азамат ескерту дабылдарына қарамастан, ерекше кадрлар түсірмек болған екен. Әлеуметтік желіде оның бейнежазбасын мыңдаған адам қарап үлгерді. Мұндай атаққа қарамастан қауіпті әрекеті үшін ол 10 доллар шамасында айыппұл төледі.
Соңғы кездері Үндістанда пойыз алдында ерекше сурет түсірмек болған жағдайлар жиілеп кетті. Былтыр қазан айында үш жасөспірім рельсті жолдағы пойыз алдында жүгіріп өтпек болып, екеуі ажал құшқан еді.
Мақпал СЕРЖАНҚЫЗЫ
