Дилма Русеф Бразилия халқын қонақтарды жылы қабылдауға шақырды

Бразилияда футболдан Әлем чемпионатының басталуына 48 сағат қалғанда, президент Дилма Русеф теледидар арқылы халқына арнап, сөз сөйледі.

 

Ол тұрғындарды чемпионат қонақтарын жылы қабылдауға, әдептілік нормаларын сақтауға шақырды.

 

Сонымен бірге, Бразилия басшысы спорттық шараға бөлінген 11,5 миллиард доллар қаражаттың орынды жұмсалғанын мәлімдеп, жаңадан салынған футбол алаңдары, әуежай терминалдары мен басқа да инфрақұрылымдар елге үлкен кіріс әкелетінін жеткізді.

 

Арай ТӨЛЕГЕНҚЫЗЫ