Жаңалықтарды Telegram арнамыздан оқыңыз!Халықты бірінші кезекте қауіпсіздік толғандырып отыр, біз осы бағыттағы жұмысты күшейтетін боламыз. Бұл туралы бүгін ҚР Парламент палаталарының бірлескен отырысы барысында ҚР Премьер-Министрі Кәрім Мәсімов мәлім етті, деп хабарлайды ҚазАқпарат.
«Бүгінгі мүмкіндікті пайдалана отырып, Елбасының тапсырмасы бойынша Ақтөбе облысына жасаған сапарыма тоқтала кеткім келеді. Менің ойымша, бүгінгі күні халықты ең бірінші кезекте қауіпсіздік мәселесі толғандырады. Бұған дейін, халық негізінен баспана мәселесіне, суға, газға қатысты тарифтерге, азық-түлік мәселесіне назар аударып келсе, қазір жұртты елдің ішкі қауіпсіздігі толғандыратыны анық білініп отыр», - деді К. Мәсімов.
