Жаңалықтарды Telegram арнамыздан оқыңыз!Сыр халқы Арыспен бірге! Күрішті өңір жарылыстан зақымданған нысандарды қайта қалпына келтіру жұмыстарын қолға алды. Бүгінде облыстан 20-ға жуық құрылыс компаниясы Арысқа келіп, қайта жаңғырту жұмыстарын жүргізуде.
Арыстағы апаттан үйсіз қалған жанның бірі — Жұмабек Бердімұратов. Жарылыс күні баспанасына снаряд түсіп, үйді жермен жексен еткен. Оқыс оқиғада қара шаңырағынан айырылған отбасыға Қызылорда облысының әкімдігі жаңа тұрғын үй алып берді.
Жұмабек Бердімұратов, тұрғын:
Жалпы Сыр өңірі қаланың 6-шы аумағын қайта қалпына келтіруді өз міндетіне алып отыр. Соның ішінде 5 әлеуметтік, 10 коммерциялық, 254 жеке тұрғын үй жөнделетін болады.
Қуанышбек Ысқақов, Қызылорда облысының әкімі:
Бүгінде Қызылордадан келген 20-ға жуық құрылыс компаниясы әр аумаққа бөлініп, қарқынды жұмыс істеп жатыр. Мердігер мекемелер қайта қалпына келтіру жұмыстарын белгіленген мерзімде аяқтауға күш салуда.
Құдайберген Иманахметов, "Абу-Сер" ЖШС бас инженері:
Осындай қиын-қыстау сәтте Арыстағы ағайынға қол ұшын созған Сыр елінің азаматтары әскери снаряд жауған шаһарды жаңғыртуға өз үлестерін қосып, Арыс халқымен бірге екенін сөзбен емес, іспен көрсетпек. 
Ақерке БЕРІКБЕКҚЫЗЫ
